R.C. Deportivo de La Coruña S.A.D.
 
 
 
 GL | ES   

Xa podes ser Socio Amigo do Real Club Deportivo sen moverte da casa.

A modalidade de Socio Amigo creouse sobre todo para persoas que viven fóra da Coruña ou que por un motivo ou outro non poden estar cada domingo no Estadio ABANCA-RIAZOR. Tamén, por que non, como un agasallo para ese amigo que sente as cores branquiazuis.

Se non podes asistir a todos os encontros no ABANCA-RIAZOR pero queres pertencer ao Deportivo, ser un máis dos seus miles de socios, este é o teu carné. Cun prezo de 50€, o Socio Amigo ten número de abonado e consérvaselle a antigüidade para, no caso de facerse socio con localidade, manter a numeración.

Este carné dá dereito a asistir a un único partido de LaLiga Santander ou Copa do Rei (agás partidos do Real Madrid, Barcelona e Celta, cuartos de final e semifinais da Copa do Rei), da Temporada 2018-2019 nas bancadas que dispoña o Club. A entrada para o partido elixido deberá retirarse na primeira semana na que se poñan á venda. Este carné deberá presentarse xunto coa entrada do partido seleccionado.

Unha vez tramitada a alta, o carné deberá recollerse na DéporTienda (Estadio ABANCA-RIAZOR. R/ Manuel Murguía s/n. Horario: de 10:00 a 20:30 horas de luns a sábado). Para recoller o carné de socio amigo deberá acreditarse a identidade do titular mediante DNI ou copia deste se é outra persoa a que o retira. No momento de retirar o carné, e só nese día, dispoñerá do 5% de desconto acumulable ao 5% de socio en produtos da DéporTienda. Por tanto, poderá gozar dun máximo do 15% de desconto no caso de ser accionista nas compras efectuadas ese mesmo día.

Tamén pode recibirse mediante carta certificada con entrega a domicilio 72 horas despois da xestión, contra reembolso. Para iso, é imprescindible remitir un correo electrónico a envio.abonos@rcdeportivo.es indicando nome, apelidos, dirección de envío, código postal, poboación e teléfono de contacto.

Prezo do envío: 8,63 € IVE incluido (toda España incluido Islas Baleares).


 

 

  R.C. Deportivo de La Coruña S.A.D. R.C. Deportivo de La Coruña S.A.D.

En cumprimento do Regulamento Xeral de Protección de Datos, informámoslle de que os seus datos persoais foron incorporados a unha base de datos cuxo responsable é o Real Club Deportivo da Coruña, S.A.D.

Os datos persoais que foron facilitados por vostede solicitáronse en atención ao interese lexítimo do responsable do tratamento na súa necesidade de executar dunha maneira máis eficaz dos servizos que lle corresponden á súa condición de abonado do Real Club Deportivo da Coruña, S.A.D.

En todo caso, o Real Club Deportivo da Coruña, S.A.D. unicamente conservará os seus datos mentres se manteña a relación contractual, mentres non se solicite a súa supresión polo interesado e, en calquera caso, o mantemento dos prazos legalmente establecidos.

Así mesmo, de conformidade coa normativa vixente, informámoslle de que conta coa posibilidade de solicitarlle ao responsable do tratamento o acceso, rectificación, ou supresión dos seus datos persoais, así como a limitación e oposición ao seu tratamento, e a portabilidad dos datos; por correo electrónico á seguinte dirección: legal@rcdeportivo.es ou ben por correo postal á seguinte dirección:

REAL CLUB DEPORTIVO DA CORUÑA, S.A.D.
Praza de Pontevedra, Nº 19, 1º, 15003, A Coruña

O Real Club Deportivo da Coruña, S.A.D. para facilitarlle o exercicio destes dereitos pon á súa disposición, nas súas oficinas de atención ao socio e na páxina rcdeportivo.es, as instancias correspondentes que deberán enviar cubertas xunto cunha fotocopia do DNI que acredite a súa identidade.

Por último, comunicámoslle que tamén conta coa posibilidade de presentar unha reclamación ante a autoridade de control estatal (a Axencia Española de Protección de Datos) no caso de que entenda que se vulneraron os seus dereitos en virtude dos disposto na lexislación vixente.